Unha nova victoria do Chou Athletic no Outeiro Grande

O Capitán Ojea entrega
un presente a capitana Marta

O derradeiro xoves, e nunha extraordinaria tarde para a práctica do fútbol, celebrouse o encontro correspondente a 10ª xornada do VII Campionato Galego de Fútbol Interhospitalario, que enfrontou no campo de Outeiro Grande de Maside, as equipas do Urxencias/Observación CHUAC (que rendía a súa primeira visita a Maside) e mais da Asociación Deportiva CHOU ATLETIC.

Emilio; Juan; Ivan; Victor;Hugo; Pablo
Enrique; Santi; Marta; Norberto; Manuel

Nunha primeira parte con un toma e daca constante, e con oportunidades de rachar o empate por ámbalas dúas escadras, víuse un fútbol fluido no que as defensas tiñan traballo dabondo como para que os porteiros tiveran o seu protagonismo. Unha falta directa e dous contragolpes dos coruñeses encenderon a alarma nos ourensáns, que apretaron no seu traballo defensivo, e multiplicaron os seus esforzos no medio do campo.

León;Kico;Mito;Diego;JuanLu;David;Santi;Jose A.
Abuín;Pepe;Ojea;Javi;Toño;Adolfo

A superioridade física, derivada dunha maior presencia no banquiño local condicionou o transcurrir da segunda parte, aumentando as ocasións dos ourensáns que acabaron conseguindo un triunfo substancioso por un total de 4-0.

Glez. Quintairos (Colexiado)

Campo: Outeiro Grande
Árbitro: Sr. Quintairos (colexio ourensán). Sinalou tarxeta amarela o xogador do CHOU Athletic con dorsal nº 5, Adelmo Gómez.


No terceiro tempo, ámbas equipas degustaron unhas extraordinarias empanadas da Panadería Gallego e un arroz caldoso de mariscos, que regaron con bo viño do Ribeiro, e que serviu para manter o espíritu de compañeirismo que enarbolan os compoñentes da nosa Asociación, para con tódolos equipos participantes.

Dende Maside, e para Operando con pelotas; informou Francelata.

OFERTA ESPECIAL DO NOSO SPONSOR TURINI SPORT PARA OS TRABALLADORES DO CHOU

Introduce este código al realizar tu compra de cualquier producto de

Fitness BH y obtendrás el descuento.